Jordan Plevnes
Contact:
  • Новости
  • News
  • Biography / Biographie / Биографија
    • Biography
    • Biographie
    • Приватна револуција
    • Хронологија
  • Reviews / Критики
    • Од светската критика
    • Светските личности за Плевнеш
    • Рекоа за Плевнеш
  • Photo / Фотографии
  • Video / Видео
  • Тајната книга / The Secret book
  • Projects / Проекти
  • Contact

Интервју на Плевнеш за порталот Балкон 3

9/18/2013

0 Comments

 
Picture
„Актерот на Европа“ ќе ги обединува Македонија, Грција и Албанија.

Уметноста, за разлика од политиката, не познава граници, длабоко е уверен Јордан Плевнеш, писател, балканофил, иницијатор на многу културни манифестации и фестивали. Еден од тие фестивали е „Актерот на Европа“, кој во Преспа се одржува веќе десет години, длабоко вткаен во манифестот на францускиот писател Жак Лакариер, кој го создаде токму во чест на фестивалот, со наслов „Илјадници вчера, но само едно утре“. Дека ова мото го оправдува самото постоње, зборува и фактот дека идното издание ќе се одвива и во другите две држави на кои излегува Преспанското езерото – Грција и Албанија.

- Претставници од општини од Грција и од Албанија годинава дојдоа на нашиот фестивал и од наредната година, која е прогласена за Година на мирот во Европа, по повод 100- годишнината од Првата светска војна, ќе организираме заеднички почеток на настанот, за чија реализација е задолжен познатиот македонски филмски и театарски актер Мето Јовановски. За „Актерот на Европа ”невозможното станува можно – истакнува Плевнеш.

На „Актерот на Европа” гостувале стотина претстави од 30-ина земји во светот, од легендите на балканскиот театар, но и на европскиот и на светскиот театар, од „Комеди франсез“ во Париз, до театарот на Питер Брук или со претставувањето годинава на Ана Патерсон од Стриндберг театарот од Стокхолм.

Плевнеш се потсетува како ја добиле идејата да го организираат фестивалот.
- Пролетта 2002 година Европскиот парламент го прогласи Преспанското Езеро за Меѓуграничен европски парк што ги поврзува трите држави на езерото. Кога дознав за тој чин, со неколку истакнати француски, европски и балкански автори, заљубеници во Преспа, во близината на Сорбона, одлучивме да формираме интернационален театарски фестивал кој секоја година ќе започнува на трите јазици на езерото.

Поранешниот амбасадор во Франција прави напори што е можно повеќе да го промовира Балканот низ Европа.
- Балканот од поле на историското злосторство треба да се претвори во естетичко поле на заемна љубов, почит и толеранција. Тоа се случи и на самиот почеток на 21 век, кога во многу балкански центри ја промовирав девизата на големиот швајцарски писател Никола Бувие (1929-1998), со кого сум го шетал Балканот вдолж и попреку, кој во својата книга „Употребата на светот” ја напиша бесмртната реченица: „Балканот е срцето на Европа“. Тоа е единствената дефиниција со која балканските народи можат да постигнат консензус. Таа е, таа беше и таа ќе биде нашата платформа во организацијата на фестивалот „SEE a Paris“, што секоја година презентира книжевна вечер посветена на балканските литератури, една музичка вечер и избор од голем број играни, документарни и анимирани филмови. Тоа е доказ дека одгласите за овој фестивал во сите големи балкански центри, кои пишуваат за „безусловната балканофилија” на Плевнеш и неговите пријатели, говорат дека ние, балканските Дон Кихоти, не сме сами и дека од ден на ден на Балканот и во цела Југоисточна Европа се зајакнуваат разрушените мостови, што политиката секојдневно ги руши, а уметноста секојдневно ги гради.

Сребра Ѓеорѓијевска
Интервју на Балкон 3
0 Comments

Your comment will be posted after it is approved.


Leave a Reply.

    Archives

    March 2017
    September 2016
    June 2016
    February 2016
    January 2016
    December 2015
    September 2015
    August 2015
    July 2015
    March 2015
    February 2015
    December 2014
    October 2014
    September 2014
    July 2014
    June 2014
    May 2014
    March 2014
    February 2014
    January 2014
    December 2013
    November 2013
    October 2013
    September 2013
    July 2013
    June 2013
    March 2013
    February 2013
    January 2013
    December 2012
    October 2012
    September 2012
    July 2012
    June 2012
    May 2012
    March 2012
    February 2012
    December 2011
    November 2011
    October 2011
    September 2011

    Categories

    All

    RSS Feed

Powered by Create your own unique website with customizable templates.