Издавачката куќа ФЕНИКС, Институтот за македонска литература при УКИМ и Универзитетот за аудиовизуелни уметности ЕСРА, Ве канат на промоција на Библиофилското издание на “Осмото светско чудо” од Јордан Плевнеш.

20.12.2012 (четврток)
12.00 ч.
Кинотека на Македонија




Промотори:
- Д-р Маја Јакимовска Тошиќ, Институт за македонска литература при УКИМ
- Г-дин Томас Дикхаус, Раководител на Гете Институтот во Скопје

Издавачката куќа “Феникс” го објавува библиофилското издание на Осмото светско чудо, заедно со избор од текстовите на двата меѓународни книжевни симпозиума посветени на овој роман. Првиот на Универзитетот Сорбона во Париз, на 26.6.2006 година, по повод француското издание на романот, во едицијата La Table Ronde - Gallimard и вториот одржан на 20 и 21.11.2009 година, во организација на Институтот за македонска литература при Универзитетот “Свети Кирил и Методиј”, со наслов: “Романот Осмото светско чудо од Јордан Плевнеш, низ призмата на дваесетгодишнината од паѓањето на Берлинскиот ѕид”.

Библиофилското издание ексклузивно е збогатено со ДВД од истоимената претстава на Народниот театар од Битола во режија на Владо Цветановски.

Библиофилското издание на “Осмото светско чудо” го посветувам на бесмртниот дух на мојот брат Владо Цветановски (1959-2012), кој сам по себе беше, со своето уметничко дело, олицетворение на херојот на овој роман: живееше педесет и три и пол години, колку што метри е висока Црквата на сеќавањето во Берлин и исчезна во Вечноста за 3,3 секунди.

На 07.12.2012 година, во "Арт Центарот" на Турската Амбасада, на авенијата "Елисејски Полиња" во Париз, пред голем број претставници на француската и европската културна и дипломатска елита, беше промовирана Монографијата на Јордан Плевнеш, посветена на големиот Балкански сликар што живее и работи во Париз, Омер Калеши, во чест на 80-годишнината од неговиот живот и 50-годишнината од неговата уметничка дејност. Монографијата е билингвална, на француски и на турски јазик

Ове е трета монографија посветена на творештвото на Калеши, по монографиите на Исмаил Кадере и Жак Лакариер кои беа објавени во последнава деценија.

Во најновата монографија Плевнеш го ситуира Омер Калеши  на врвот на интернационалното сликарство, низ иконографијата на неговата сликарска палета, која ги обединува Балканските цивилизации со европската и светската историја.