Светот може да биде спасен само од музиката - International music revolution (IMR)
Во рамките на програмата на 61-то издание на фестивалот “Охридско лето”, нашата најзначајна музичко - сценска манифестација, под диригентска палка Паскал Галоа, познат француски музички уметник, етаблиран активен протагонист на париската музичка сцена, моментно директор на Конзерваториумот Моцарт од Париз, за прв пат, беше изведена и една арија чијшто автор на либретото е македонскиот писател Јордан Плевнеш, додека автор на музиката е, исто така, македонскиот композитор Панде Шахов кој живее во Лондон.
Авторската екипа на ИМР: Композиторот Шахов, либретистот Плевнеш, диригентот Галоа и трите оперски интерпретатори Гонца Богоромова, Милена Арсовска и Иван Наумовски
Аријата е дел од новата европска опера, со наслов “Интернационална музичка револуција” (ИМР), додека диригентот Галоа е и ко-продуцент.
Јордан Плевнеш, во ексклузивната изјава, вели дека операта се родила за време на долгите месеци на пандемијата и изолацијата во европскиот триаголник: Скопје-Лондон-Париз.
Приказната за ИМР е произлезена од еден вистински настан, од богатото минато на магичниот Охрид :
Имено, околу 1780 година по катастрофалниот земјотрес во Лисабон, во 1755 година, во којшто градот е целосно уништен и имаогромен број жртви, Маркизот до Помбал кој е градител и реконструктор на главниот град на Португалија, а е член на истата масонска ложа со Волфганг Амадеус Моцарт во Виена, се обратил до неговите виенски колеги со барање да му помогнат во откривањето на 6000 подводни столбови на кои ќе се гради Новиот Лисабон.
Во истата масонска ложа со Моцарт членува и Баронот Константин Бели, со потекло од Охрид.
Тој предлага 6.000 бели борови од македонската планина Кожуф да пристигнат од Солун во пристаништето во Лисабон. Заедно со бродот во Лисабон ќе допатува и неговата внука од Охрид, Ефимија Бели, која ќе има средба со Моцарт во Виена, и ќе му отпее дванаесет македонски песни кои спаѓаат во во врвот на балканската музичка меморија.
Тоа е време на различни револуции и терор на сите меридијани. По смртта на Моцарт, веднаш по Француската револуција, Баронот Константин Бели и неговата внука формираат една меѓународна вокална група која ќе ја проповеда новата религија, дека светот може да биде спасен само од музиката – International music revolution IMR.
Во операта се појавуваат голем број на реални личности од балканската, европската и светската историја. Таа се движи со скокови низ времето и завршува со меѓународен настап на неколку светски јазици во Њујорк, за време на аукцијата во која е черепот на Моцарт, претходно погребан во масовна гробница, за 5 милиони долари, настан кој реално се случи нашиве модерни времиња во кој владее новата глобална перверзија, што Алберт Ками ја нарекува - Тиранијата на парите.
Јордан Плевнеш, во ексклузивната изјава, вели дека операта се родила за време на долгите месеци на пандемијата и изолацијата во европскиот триаголник: Скопје-Лондон-Париз.
Приказната за ИМР е произлезена од еден вистински настан, од богатото минато на магичниот Охрид :
Имено, околу 1780 година по катастрофалниот земјотрес во Лисабон, во 1755 година, во којшто градот е целосно уништен и имаогромен број жртви, Маркизот до Помбал кој е градител и реконструктор на главниот град на Португалија, а е член на истата масонска ложа со Волфганг Амадеус Моцарт во Виена, се обратил до неговите виенски колеги со барање да му помогнат во откривањето на 6000 подводни столбови на кои ќе се гради Новиот Лисабон.
Во истата масонска ложа со Моцарт членува и Баронот Константин Бели, со потекло од Охрид.
Тој предлага 6.000 бели борови од македонската планина Кожуф да пристигнат од Солун во пристаништето во Лисабон. Заедно со бродот во Лисабон ќе допатува и неговата внука од Охрид, Ефимија Бели, која ќе има средба со Моцарт во Виена, и ќе му отпее дванаесет македонски песни кои спаѓаат во во врвот на балканската музичка меморија.
Тоа е време на различни револуции и терор на сите меридијани. По смртта на Моцарт, веднаш по Француската револуција, Баронот Константин Бели и неговата внука формираат една меѓународна вокална група која ќе ја проповеда новата религија, дека светот може да биде спасен само од музиката – International music revolution IMR.
Во операта се појавуваат голем број на реални личности од балканската, европската и светската историја. Таа се движи со скокови низ времето и завршува со меѓународен настап на неколку светски јазици во Њујорк, за време на аукцијата во која е черепот на Моцарт, претходно погребан во масовна гробница, за 5 милиони долари, настан кој реално се случи нашиве модерни времиња во кој владее новата глобална перверзија, што Алберт Ками ја нарекува - Тиранијата на парите.
Авторската екипа со директорката на Охридско лето Наташа Поповиќ, Уметничката директорка Данче Стојанова и композиторката Јана Андреевска
За копродукција на операта интерес изразија Операта Сао Карлос од Лисабон, Театарот Фениче од Венеција, Музичкиот театар Шатле од Париз, а ќе биде предложена и на МОБ и фестивалот “Охридско лето “ за следната сезона, 2022.
Покрај на “Охридско лето“, операта ќе биде изведена и на музичкиот фестивал во Киберон, Бретања, Франција.
Линк од објави во медиумите
RSS Feed
